Arbeidet med å utvide fylkesveg 47 T-forbindelsen mot E134, frå to til fire felt, går etter planen. Førstkomande måndag blir avkøyringsfeltet på austgåande E134 stengt. Stenginga gjeld til 21. september.
– Avkøyringsrampen blir stengt fordi den skal byggast om. Framover må bilistar bruke avkøyringa til Raglamyrvegen, seier byggeleiar Børge Pettersen i Statens vegvesen.
Arbeidet på Raglamyr går etter planen. Når anlegget er ferdig på seinhausten er trafikkproppen ved Amandasenteret vekke og trafikksikkerheita mykje betre.